Compostela, 23 de novembro do 2022 – O Museo do Pobo Galego ven de inaugurar a exposición 40 años de #estiloverino dentro do aniversario da marca.
Verino aseguro na exposición que en Compostela “síntese como na casa, que admira polo seu patrimonio, por ser berce das peregrinacións e da cultura xacobea e sobre todo, porque sempre atopa inspiración cando se pode perder polas rúas de Santiago”.
A exposición estará aberta ata o 8 de xaneiro de 2023. Unha mostra fotográfica e audiovisual que contará con actividades paralelas nas que se porá en valor o empoderamento feminino e a importancia da vinculación moda e fotografía.
Para Roberto Verino: “As mulleres sempre son e serán as miñas musas e fonte de inspiración. Son as verdadeiras referentes da nosa sociedade e o xermen do #estiloverino”
A exposición está composta por fotos que axudan a entender a esencia do #estiloverino: unha forma de entender a moda baseada en prendas de calidade que son fondos de armario e que son siempre un “musthave”. Dentro desta selección están imaxes de top models como Christy Turlington, Olatz, Helena Christensen e fotógrafos como Eloy Lozano, Javier Vallhonrat, Jacques Olivar ou Paco Navarro.
Verino engade que “Esta exposición é moito máis que unha compilación de fotografías dos mellores fotógrafos de moda. É unha forma de expresión propia coa que recordamos que o noso estilo perdura a través dos anos. Se vos fixades, realmente, podedes ver prendas actuais hoxe en día que non pasan de moda e iso é algo que defendemos como marca”.
O deseñador, durante a presentación agradeceu aos seus compañeiros como o Concello de Santiago, Xunta de Galicia, Universidade de Santiago de Compostela, Deputación de Ourense, AENA e Altia que sexan “compañeiros deste soño cumprido de poder celebrar 40 anos de moda coa ilusión intacta”. A exposición irá mudando contidos ao longo deste 2023 para seguir contando cousas importantes como a circularidade das prendas, poñer en valor o papel da muller na sociedade e na moda e sobre todo, para defender que dende Galicia, se poden cumprir moitos soños sendo emprendedor como o mesmo deseñador que trouxo a un lugar como Verín unha verdadeira industria de moda.