займ срочно

Movendo os Marcos, 29 de marzo do 2023 – Movemos os Marcos de Lindeiros para achegarnos a unha iniciativa sobre o Camiño de Santiago denominada Proxecto Lugares.

Unha idea que ten como obxectivo transformar o espazo público do Camiño dun xeito sostible e, o máis importante, contando coa comunidade local. Proxecto Lugares desenvolverase en Palas de Rei e Larouco o vindeiro mes de abril.

A iniciativa está impulsada pola Xunta de Galicia e a Fundación “La Caixa”. As comarcas da Ulloa e Valdeorras acollerán un taller e un seminario no que participaran Arquitectas como Izaskun Chinchilla ou María Fandiño, artesás como Verónica Moar ou Inés Rir, e as comunicadoras Anatxu Zabalbeascoa e Ariadna Cantis, entre outras,

Proxecto Lugares foi presentado no Castelo de Pambra, en Palas de Rei e Lindeiros desprazouse ata alí para saber un pouco máis da idea falando con algúns dos responsables. Por parte da Xunta de Galicia estivo Nava Castro,  Directora xeral de Turismo, quen dicía estar moi ilusionada cun proxecto que busca construír e poñer en valor o Camiño de Santiago.

Pola súa banda o alcalde de Palas de Rei, Pablo José Taboada, consideraba un luxo poder acoller a xornada e sobre todo no Castelo de Pambre cuxa rehabilitación é un exemplo de coidado do patrimonio

Pablo José Taboada, alcalde de Palas de Rei

Falamos tamén con Natalia Balseiro, coordinadora do proxecto. Explica que se trata dun proxecto de pensamento que trata de intervir no Camiño e na paisaxe tendo en conta das necesidades dos habitantes e dos camiñantes.

Bixando o concreto tratarase de imaxinar que tipo de espazos se poden habilitar, construir, tendo en conta as necesidades de todos os implicados

A coordinadora destaca a importancia de todos os participantes e pon o foco en Santiago Besteiro como persoa que reúne as características principais do proxecto

Natalia Balseiro, coordinadora de Proxecto Lugares

Xornadas e taller

Os días 18 e 19 de abril celebrarase no Castelo de Pambre un seminario que reunirá a figuras recoñecidas de ámbito galego e estatal, como as arquitectas Ana Amado, Izaskun Chinchilla, Maé Durant, María Fandiño -Premio Nacional 2022-, Carlos Pita ou Carlos Seoane, entre outras; as artesás Verónica Moar,

Julia de la Cal, Inés Rir e Santiago Besteiro; as deseñadoras Amalia Puga e Uqui Permui ou as comunicadoras Anatxu Zabalbeascoa e Ariadna Cantis. Tamén participarán persoas expertas vinculadas ao mundo da paisaxe, como Amparo Maroño, Paola Sangalli e Pedro Calaza, ou investigadoras do espazo rural, coma a artista Estella Julian, ou o director da Fundación Juana de Vega, José Manuel Andrade.

Unha vez finalicen estas xornadas, a localidade ourensá de Larouco acollerá do 20 ao 22 de abril un taller aberto entre as comunidades locais e un grupo de participantes no seminario para imaxinar e desenvolver a maqueta ou prototipo dunha posible intervención no espazo público. Durante estes días realizaranse visitas e paseos polo territorio para identificar os lugares sobre os que as e os asistentes traballarán de forma colaborativa.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies