займ срочно

Movendo os Marcos: Essencia do Minho

0

Movendo os Marcos, 28 abril 2023  – O Movendo os Marcos de hoxe é un tanto especial porque recolle actividades en Compostela pero a finalidade é mostrarnos a Essencia do Minho, no norte de Portugal.

Presentación da campañ en Compostela

Desde sempre portugueses e galegos foron turismo de proximidade uns para os outros. O Consorcio Minho Innovación quere coa campaña Essencia do Minho poñer o foco en esa zona, tan chea de cousas que ver e tan próxima as nosas casas.

Falamos con Bruno Caldas, Xerente do Consorcio, para que nos conte de primeira man que podemos atopar no Minho Norte e que traerán a Compostela. Comezamos falando de ese turismo de proximidade que comezou antes de que se lle chamara asi, eles usan o lema “Dous países un destino”

O Consorcio Minho Norte está formado por 24 municipios e tres comunidades intermunicipais (Minho, Cávado y Ave). 4.500 quilómetros cadrados, 50 quilómetros de costa e un millón de habitantes fai difícil condensar todo o que ofrece a zona e convida a máis dunha viaxe. Con todo poñémoslle diante a Bruno o reto de recomendarnos algo do que ofrece a zona

Nas campañas de `promoción do Minho Norte a gastronomía e a música sempre teñen unha presencia importante que tamén se dará en Compostela. O martes catro cunha cea para profesionais e creada a catro mans polos chefs Lucía Freitas, A Tafona en Santiago, e Antonio Loureiro, Cocinha en Guimaraes. O domingo sete co concerto De Minho à Galicia, na Sala Capitol as sete da tarde e para público familiar, no que estarán Xabier Díaz pro Galicia e Daniel Pereira por Portugal.  

O Norte de Portugal, cando non todo o país, é un destino habitual dos galegos. Coa pandemia moitos lembraron tempos pasado cando existían as “alfándegas”, aduanas, e outros decatáronse de que temos ao carón do noso territorio outro que ten moito que ofrecer. Un destino que virá a Compostela a vindeira semana en forma de gastronomía e musica, eventos que contaremos tamén en Lindeiros para seguir movendo os marcos.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies