Cobre San Rafael podería ter solicitado ante a Unión Europea a declaración de proxecto estratéxico para a Mina de Touro. Esta petición faríase dentro dunha convocatoria realizada pola UE relacionado con materias primas fundamentais e que remata o prazo de admisión de solicitudes o 15 de xaneiro.
A Xunta xa declarou proxecto estratéxico á Mina de Touro en xuño de 2024, en novembro publicábase o prazo de alegacións que remataba en decembro sen que desde aquel momento se publicara nada máis.
O concelleiro de Medio Ambiente de Touro, Darío Rey, remitiu unha carta a Manuel García Hernández, Director General de Política Energética y Minas; e a Sara Aegesen Muñoz, Vicepresidenta tercera del Gobierno y Ministra para la Transición Ecológica y el Reto Demográfico coa intención de manter unha reución sobre a Mina.
O obxectivo é abrir unha canle de comunicación co Ministerio como representante ante a Unión Europea. En segundo lugar trasladarlle ao Ministerio a información “territorial, ambiental, social y económica de primera mano que resulta esencial para una correcta comprensión del proyecto”.
O concello quere que sexan identificados de forma clara os prexudicados polo proxecto e as consecuencias ambientais. Ao mesmo tempo garantir a participación cidadá e o acceso a toda a información.
O concelleiro indica na carta que a convocatoria da Unión Europea inclúe como requirimento que sexan proxectos sostibles polo que a documentación da que dispón o concello pode ser de vital importacia.
