A Baña, 12 de novembro do 2021 – A Deputación da Coruña destinará 200.000 euros ao arranxo da estrada entre Vilar da Torre e Paramos.
O orzamento e a obra douna a coñecer o deputado Antonio Leira no transcurso dunha visita ao concello para manter unha reunión co alcalde, José Antonio Pereira. O proxecto será aprobado no pleno do organismo provincial de este mes de novembro.
Antonio Leira informou ao rexedor de que a Deputación provincial vaille conceder ao Concello da Baña unha subvención total de 375.875,06 euros para financiar a mellora da pavimentación da vía pública que discorre entre Vilar da Torre e Paramos. Ao vindeiro pleno do organismo provincial levarase a primeira fase de execución dos traballos, orzamentada en 200.000 euros. Quedarán pendentes de outorgar despois, de cara a unha segunda fase, outros 175.875,06 euros. Estas dúas cantidades cubrirán un 80 por cento do total dos 469.843,83 euros que custa a obra.
