Melide, 4 de maio do 2020 – O concello de Melide presentou as contas do 2019 que pecha cun remanente de tesourería de 4,5 millóns de euros.
Este remanente non poderá ser usado xa que o goberno anterior incumpriu a regra de estabilidade orzamentaria e a regra de gasto xa que gastou máis dun millón de euros fora do orzamento según informa o actual goberno municipal.
O actual goberno local atopouse con 637 mil euros en facturas cun reparo suspensivo de intervención que fai que non se poidan pagar. O notificou ás empresas afectadas que debían acudir ao xulgado para reclamar ditas cantidades xa que o anterior goberno non cumpriu coa lei de contratos do sector público.
Plan Económico Financeiro
Ante esta situación o goberno local vese na obriga legal de realizar un Plan Económico Financeiro que requirirá axustes. Ademais solicitarán ao Goberno Central a anulación da imposibilidade de empregar o remanente de tesourería e poder dutilizar os 4,5 millóns de euros.
O Concelleiro de Facenda, Xosé Igrexas sinalou, que trala elaboración do Plan de axuste, poñerase coa conta Xeral de 2019 para poder realizar o orzamento de 2021 co obxectivo de elaborar os proxectos a levar a cabo no vindeiro ano e subsanar a mala xestión destes anos pasados.
