Unha iniciativa que contempla ferramentas de detección e intervención social no ámbito da soidade non desexada.
Cada vez máis a soidade non desexada é un problema, mesmo a desexada pode supoñer situacións coas que a persoa non contaba. Si levamos a cuestión ás persoas maiores o problema agudízase. As residencias seguen sen ser unha opción accesible polo que as veces a soidade máis que non desexada é obrigada.
O proxecto “Soidade non desexada en persoas maiores” preséntase en Melide como unha iniciativa liderada polo investigador e veciño de Melide, o Dr. Santiago Prado Conde. A presentación foi posible gracias a un convenio de colaboración asinado entre a Universidad Internacional de La Rioja e o Concello para promover accións divulgativas neste senso.
O proxecto está integramente financiado polo Vicerrectorado de Transferencia de dita universidade. Participan, ademais de Santiago Prado, as investigadoras Iria Vázquez e Carmen Verde da Universidade de Vigo e Marta Caballero da Universidad Internacional de La Rioja.
O plan encádrase nos concellos de Melide e Vigo e ten como obxectivo deseñar dunha estratexia integral de detección e intervención social da soidade non desexada en persoas maiores desde os Servizos Sociais Comunitarios en contextos rurais e urbanos de Galicia.
O Dr. Prado Conde fixo unha presentación dos eixos fundamentais do proxecto, os produtos resultantes e, sobre todo, na necesidade de contar con ferramentas claras para poder xerar o diagnóstico social, fundamental para a intervención social, e protocolos integrais de actuación.
A concelleira de política social, Carmen Liñeira, agradeceu que se contase co concello de Melide como pioneiro para o desenrolo dun proxecto de gran envergadura.
