Bisbarra, 17 de marzo do 2023 – A Xunta de Goberno do concello de Melide ven de aprobar a licitación, por procedemento aberto simplificado, da pavimentación de dez núcleos do rural.
Son unhas obras de mellora que forman parte do Plan de Obras e Servizos adicional do 2022 da Deputación da Coruña. Un investimento que supón para Melide cerca de 345.000 euros.
Dos núcleos rurais que serán mellorados destacan os das parroquias de O Barreiro e San Salvador. As intervencións, todas elas en aglomerado en quente, localízanse nos seguintes puntos do termo municipal: acceso ao Mato e ao Barreiro, acceso a Goxán e a Andeán na parroquia de San Salvador, a pista do Formigueiro na parroquia de Grobas, accesos ao Vilar e Trasfontao na parroquia de Moldes, acceso a Zaramil pola Martagona, accesos á Cooperativa e a Rúa Marqués Mariano.
