Bisbarra, 8 de maio do 2023 – Melide acolleu a presentación da oitaba edición do Festival Motorock que organiza a asociación Milli Riders e que este ano contará coa actuación de Los Inhumanos.
O MotoRock celebrarase entre os días 30 de xuño e 1 de xullo en Melide. Na presentación participaron os responsables da asociación moteira Milli Riders e o alcalde da vila, José Manuel Pérez.
Esta edición conservará o lugar de celebración das anteriores edicións, as inmediacións do Parque Rosalía de Castro. José Manuel Pérez, alcalde de Melide “agradeceulle a asociación moteira o esforzo realizado por sacar adiante un evento cunha programación tan completa, que seguro encherá Melide durante toda a fin de semana”.
A VIII edición do Festival Motorock Milli Riders comezará o venres 30 de xullo, cunha cea moteira e os concertos do grupo local “Leirabuxo” e do grupo de pop-rock “El Borrón del Escribano”
O sábado, 1 de xullo, os participantes poderán desfrutar dunha ruta moteira pola comarca que rematará cun xantar de confraternidade. Pola tarde, celebraranse varios espectáculos da man do rei do Freestyle, o portugués Paulo Martinho. O grupo “Los Alcantara” e o DJ “Josy da Graver” actuarán nunha noite que ten como especial protagonista ao grupo valencianos “Los Inhumanos”.
