Melide, 5 de febreiro do 2019 – O Concello de Melide ten aprobadas ata o momento 18 bonificacións do Imposto de Bens Inmobles, IBI, a explotacións agro gandeiras.
Dende a entrada en vigor da ordenanza que regula as bonificacións do IBI, o pasado 13 de abril do ano 2018, presentáronse no Concello de Melide 20 solicitudes no 2017, das que se admitiron 14, e 7 no 2018 das que se admitiron 4 aínda que as outras tres poden subsanar aínda a falta de documentación.
Dalia García, a alcaldesa de Melide, indica que “son expedientes que requiren a maioría das veces moita documentación que debe ser adaptada ao titular actual do inmoble. Melide foi un dos primeiros en declarar a actividade agraria como prioritaria e de utilidade pública para o seu concello”. García, recorda a toda a veciñanza a posibilidade de solicitar este trámite sempre no ano inmediatamente anterior á entrada en vigor da bonificación”.
