Vedra, 1/03/2026 – Un dos problemas dos que os concellos, en especial os máis pequenos, quéixanse desde hai tempo e o financiamento de servizos como o SAF. Competencias que non lles corresponden pero que ao ser cedidas teñen que afrontar en parte con fondos propios.
Vedra é un de eses concellos e a Consellería de Política Social e Igualdade tratará de paliar ese déficit cun investimento de case medio millón de euros ata o ano 2028. Así o anunciou a Conselleira Fabiola García nunha recente visita ao municipio,
García visitou o concello para reunirse co alcalde, Carlos Martínez, e saudar a Remedios Pereiras, veciña que ven de cumprir 102 anos e usuaria do Servizo de Axuda no Fogar (SAF).
A Conselleira quixo avaliar de primeira man o impacto que ten o acordo asinado entre a Xunta e a Federación Galega de Municipios e Provincias (Fegamp) que permitirá que os concellos poidan mellorar este servizo.
Fabiola García cualificou de “histórico” este acordo, xa que suporá un aumento do 50% da achega do Goberno galego ao SAF, o que supón que a Xunta inxectará 150 millóns de euros máis nos municipios nesta lexislatura.
En concreto, explicou que no caso do concello de Vedra, este acordo terá un impacto claramente positivo, posto que o incremento do financiamento da Xunta durante os tres anos de vixencia do acordo ascenderá a 486.000 euros.
Fabiola García apuntou que “as cifras evidencian o beneficioso que será este acordo” e pon de manifesto o compromiso da Xunta de Galicia coas Administracións locais e, en especial, con todos os dependentes galegos.
O labirinto normativo
A competencia da presentación do SAF é un dos debates constantes e no que a ambigüidade segue ganando a partida. A orde do 22 de xaneiro de 2009 pola que se regula o servizo de axuda no fogar establece que os concellos correspóndelles a “creación e xestión dos servizos sociais de atención primaria, entre os que figura o servizo de axuda no fogar”.
Esta definición parece deixar claro que os concellos terían a competencia pero a continuación, e sen nin un punto e seguido polo medio, o texto indica que á Xunta correspóndelle as competencias das “funcións de coordinación e ordenación normativa, así como de homologación, rexistro e control de centros e servizos” o que na práctica implica que a supervisión e autorización queda en mans da Xunta de Galicia.
No artigo 16 regulase tamén o financiamento pero, do mesmo xeito que sucede coas competencias, o único que queda claro e que, si faltan cartos, os concellos poden decidir que cantidade asumen e cal cargan aos usuarios.
En resumo a lei permite distintas interpretacións e xera un debate que prexudica á prestación do servizo.
Enlace á normativa https://www.xunta.gal/dog/Publicados/2009/20090202/Anuncio5782_gl.html
