Bisbarra, 23 de maio do 2018 – A Plataforma veciñal Mina Touro O Pino Non e a Plataforma en defensa da Ría de Arousa (PDRA) xunto con máis de 40 colectivos convocan unha gran manifestación en Santiago para o vindeiro día 10 de xuño contra o proxecto de megaminería de extracción de cobre a ceo aberto para estes concellos.
A presentación aos medios da manifestación tivo lugar en Compostela con presenza de representantes de ambas plataformas. Tomou a palabra en primeiro lugar Aida Suárez, da Plataforma mina Touro o Pino NON, quen daba os datos sobre que suporía, e que consecuencias tería, un proxecto como este
A Plataforma pedía a participación de tódolos galegos para conseguir paralizar o proxecto cunha gran manifestación
Xoaquín Rubido, Xocas, presidente da Plataforma en defensa da Ría de Arousa daba un dato máis que demostra que a contaminación chegaría cada día de extracción ata a ría
Rubido destacaba ademais que a contaminación sería persistente como hoxe en día pódese comprobar cos restos da antiga mina e por iso o lema “non queremos unha herdanza envelenada”
A preguntas dos xornalistas Xocas explicaba que na ría tódolos concellos cos que falaron mostraron o seu apoio. Non sucede o mesmo en Touro e o Pino onde Aida Suárez e Julia Barbosa explicaban que os alcaldes están claramente de parte da empresa
A manifestación do día 10 de xuño partirá da Alameda de Compostela as 12 do mediodía rematando na praza do Obradoiro.
