María Xosé Nogueira fala de Begoña Caamaño nos Luns do Ateneo
Compostela, 10/05/2026 – Este luns, 11 de maio, ás 19.30 horas, o Ateneo de Santiago, coa colaboración do Instituto da Lingua Galega, celebrará na Rúa do Vilar, 19, unha nova sesión dos Luns do Ateneo dedicada a Begoña Caamaño.
Con esta charla, impartida por María Xesús Nogueira, profesora de Literatura Galega da Universidade de Santiago de Compostela; o Ateneo conmemora o Día das Letras Galegas dedicado este 2026 a Begoña caamaño.
A sesión propón unha aproximación á traxectoria persoal, intelectual e literaria de Begoña Caamaño. Xornalista, escritora e feminista, Caamaño deixou unha pegada singular tanto no ámbito da comunicación como no da creación literaria, cunha obra comprometida coa lingua, coa memoria e coa revisión crítica dos relatos tradicionais dende unha perspectiva propia.
María Xesús Nogueira, doutora en Filoloxía Galega e presidenta da Asociación Galega da Crítica, é unha das investigadoras máis recoñecidas no estudo da literatura galega actual. Especialista en poesía contemporánea e autora de “Volveredes brindar por min, unha biografía de Begoña Caamaño”, ofrecerá nesta conferencia unha visión profunda sobre a autora homenaxeada, contribuíndo a poñer en valor a dimensión humana, cultural e literaria dunha figura esencial das nosas letras.
