Carlos Martínez, alcalde de Vedra: “ Temos que mobilizar a vivenda que existe [ ] a nosa pregunta é que podemos facer para que esas 200 vivendas deshabitadas que pode haber no concello saían ao mercado”
Vedra ven de sufrir un revés xa que a poboación baixou dos 5.000 habitantes o que implica menos recursos e adaptar os servizos a nova situación. Carlos Martínez Carrillo, o alcalde de Partido Popular, conta con maioría absoluta e levaba tempo preparándose para este contexto.
Falamos con Carlos Martínez dous anos despois de iniciar o mandato para saber en que momento está o concello e de que xeito se reorganizou, que priorizou e cales son os plans para os vindeiros dous anos.
Comezamos falando de esa caída na poboación e do complicado da xestión. Carlos Martínez explica algo que xa sabíamos, que na xestión local tódolos anos son complicados, todos son “duros”
O prezo da vivenda nas vilas máis grandes, ou máis urbanas, parecía que podía empuxar a volver ao rural. A realidade é que o problema da vivenda é xeneralizado e que tamén nas vilas pequenas loitan día a día para que vivendas baleiras e pechadas saían ao mercado.
Carlos Martínez explica que estes dous primeiros anos foron de reorganizar o concello, de tomar medidas e explicalas xa que algunhas delas podías ser impopulares pero necesarias dada a situación. Hai que dicir que o alcalde de Vedra tamén formou parte da directiva da Federación Española de Municipios y Provincias, FEM; e tamén deputado provincial estes dous primeiros anos, responsabilidades que non o deixaron parar moito.
Unha das oportunidades para Vedra é a produción de Albariño ao ser parte da D.O. Rías Baixas, sub zona do Ulla. Esa oportunidade trouxo explotacións de viñedos máis grandes e tamén diferencias de criterio e debate entre grandes e pequenos produtores sobre o que hai que facer. Varlos Martínez traballa para buscar o equilibro e mediar entre eles.
Vedra é un concello no que a cultura, o patrimonio e o ocio mestúranse mes a mes. Desde a Festa do viño da Ulla ata o Entroido. A finais de outubro chegará o Pasabodeghas 2025, un evento que da a sensación de ser menos coñecido que o resto (algo co que non está de acordo o alcalde) pero que en canto saca venda de entradas estas desaparecen.
Nun concello pequeno sempre hai cousas que facer e sempre cousas que mellorar ou arranxar. Carlos Martínez Carrillo xa anticipou que a mellora das pistas é unha de esas cousas pero outra das prioridades para a segunda parte do mandato é a reforma do centro médico.
Carlos Martínez é un alcalde moi próximo á veciñanza, que sempre estivo involucrado co asociacionismo e que chega a acordos coa oposición con paciencia e debate. Despois de facer esta entrevista aprobábase, por unanimidade, no pleno municipal unha declaración sobre o xenocidio en Gaza e instábase á Xunta, ao Goberno Central e á Unión Europea a facer todo o posible por deter a masacre.
En Vedra non se debateron os termos, non se xogou coas palabras, algo que pode pasar desapercibido pero non é menor; é unha demostración de que hai xeitos de gobernar distintos aos que saen nos grandes medios de comunicación e que Carlos Martínez Carrillo, polo menos, algunhas cousas as ten bastante claras.
