José Antonio Pereira chegou a alcaldía da Baña por primeira vez no 2019 pero dous anos despois de apoialo o desaparecido, cando menos no concello, Compromiso x Galicia súmase ao PP para unha moción de censura que o levaría á oposición.
No 2023 consigue cinco concelleiros, os mesmos que o PP e chega a un pacto para un goberno de coalición coa única concelleira do BNG, Mónica González ( que fora compañeira súa no PSdeG e un ano antes das eleccións pasouse ao partido nacionalista).
Ata o momento foi unha lexislatura de “pico e pala” xa que atoparon un concello cunha enorme débeda económica. Cando José Antonio Pereira abandonou o despacho de alcalde pola moción de censura a débeda era de 250.000 €, cando volveu tralas eleccións chegaba ao millón e medio de euros o que marcou a primeira parte do mandato.
A toda esa débeda hai que sumar o turbio asunto dos móbiles desaparecidos, un asunto que está en mans da xustiza pero que fala dun xeito de exercer os cargos como so os concellos foran propiedade do que ten a alcaldía.
Tedes toda a información sobre o sucedido cos móbiles na páxina de novas do concello da Baña https://lindeiros.net/category/abanha/
Pese a eses problemas José Antonio Pereira e o seu equipo traballou arreo en este tempo. O futuro polígono industrial está más cerca, os arranxos no Punto de Atención a Infancia, melloras na estrada de saía cara a Val do Dubra ou a ampliación do abastecemento son algunhas das accións realizadas ata o momento.
O traballo para o que queda de mandato centrarase na mellora e arranxo das estradas municipais e a conexión das aldeas coa capital do concello. Ao mesmo tempo saneamento e abastecemento e fundamental hoxe en día.
No último pleno o alcalde perdeu unha votación un tanto absurda porque o socio de goberno votou co PP (como contamos no seu día https://tinyurl.com/2b74pbvu ). Non quixemos perder a oportunidade de preguntarlle que foi o que sucedeu ou por que pasou.
O alcalde explica que o seu equipo non pensa nas vindeiras eleccións, que traballan pensando en que pasar en apenas dous anos e cando chegue o momento a veciñanza decidirá.
José Antonio Pereira ten as cousas claras e as transmite como as pensa. Nin se alterou cando sufriu unha moción de censura sen apenas argumentos, nin cando volveu no 2023 a ser alcalde; una calma da que fai gala mesmo cando tivo que preguntarlle no pleno ao ex alcalde si sabía algo duns teléfonos que faltaban.
Presume de veciño e, como tal, ten a súa propia visión do que ten que ser A Baña e o que necesita. É o que está tratando de conseguir e nas seguintes eleccións verase si renova ou mesmo amplíar o apoio conseguido en este mandato.
