Luís Penido leva anos vinculado ao mundo do motor. Por unha banda como piloto, primeiro de rallyes e despois de montaña; e por outra no seu traballo como xerente de Trameve, unha empresa que se dedica ao reciclaxe ecolóxico de vehículos e con empregados discapacitados como contamos no seu día.
Esa preocupación pola reciclaxe e polo medio ambiente é a que levou hai tres anos a Luís Penido a pensar nun xeito de combater a inevitable pegada de carbono que deixa a competición de motor.
O primeiro ano foron cen árbores, no 2024 chegaron a 130 e nun ano tan especial como este son 150 ás árbores que se plantarán en distintos espazos de Compostela. Todos carballos.
Un ano especial no que os resultados acompañaron ao piloto ata o punto de proclamarse Campión de Europa de Montaña do Grupo 5. Hai que lembrar que viña de gañar o título nacional en esa categoría nos últimos tres anos.
Luís Penido foi capaz de subir ao podio nas dez probas nas que participou o fala da súa regularidade. A preocupación por aforrar custos e reducir a pegada de carbono levounos ademais a instalar unha base en Croacia desde onde partiron ás carreiras de centro Europa.
Conseguir un primeiro posto continental, con patrocinadores locais, cunha pegada de carbono 0 e algo insólito e que non conseguiron outros equipos de disciplinas do motor con apoios considerablemente máis grandes.
Agardemos que Luís Penido teña o vindeiro ano un reforzo que lle permita repetir este galardón e aquí estaremos para contalo xa que, aínda que non falamos de deportes, o coidado do medio ambiente hai moitas formas de desenvolvelo e este é un dos mellores exemplos.
