займ срочно

Unha protesta enterrará produtos da ría na mina de San Finx

0

Bisbarra, 4 de xullo do 2023 – O vindeiro sábado está convocada unha mobilización contra o vertido autorizado na mina de San Finx dentro dos terreos da propia mina.

A xornada de protesta foi presentada nun acto no que participaron Joám Evans, portavoz da Plataforma de afectados pola mina de San Finx; Santiago Cruz, patrón maior da Confraría de Noia e Isaac Gaciño, patrón maior da Cofradía de
Portosín.

O voceiro da Plataforma, Joám Evans, demandou que “a Xunta revoque a autorización de vertidos concedida á mineira australiana a comezos do ano, logo de que se incumprise o condicionante de ter finalizadas as obras en catro meses”.

A Plataforma alerta que a propia empresa “recoñeceu que non dispón de financiamento para acometer as obras e, de feito, a súa cotización está a mínimos históricos, cun valor de apenas 1 céntimo por acción”.

Nestas circunstancias, consideran temerario que a Xunta manteña a vixencia da autorización, sendo evidente que a empresa “non dispón de medios nin solvencia para asumir as responsabilidades multimillonarias que implicaría a contaminación con metais pesados dos bancos de marisqueo”.

Protesta e enterro de produtos

A mobilización de protesta do vindeiro sábado celebrarase nas propias Minas de San Finx, en Lousame. A concentración está prevista para as 11 da mañá e cara alí partirán varios autobuses desde a estación de Noia media hora antes, ás 10:30.

A protesta incluirá un enterro simbólico dos produtos da ría que contará cos integrantes da compañía de teatro “Os Quinquilláns”, solicitando os organizadores que as persoas asistentes acudan vestidas de negro ou con roupa de augas.

Tamén haberá un concerto do grupo musical Barahúnda e unha degustación de produtos da ría ofrecida pola Confraría de Noia, que avisa que podería ser a última se se permite que os vertidos de San Finx acaben por realizarse.

A xornada concluirá cunha marcha ata as presas de residuos mineiros abandonadas, onde se instalará unha pancarta alertando do risco catastrófico que supoñen e se embotellará auga procedente da mina para enviar ao presidente da Xunta e aos titulares das consellerías responsables pola situación das minas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies