займ срочно

Lousame licita por 191.000 euros a mellor do alumeado municipal

0

Bisbarra, 16 de outubro do 2023 – Lousame vén de licitar por 191.700 euros o proxecto de redución da contaminación lumínica e mellora da eficiencia no alumeado público municipal.

O concello subtituirá 344 puntos de luz cunhas luminarias obsoletas e cun rendemento moi baixo por outras de tecnoloxía LED. As obras de mellora do alumeado teñen un prazo de execución de 8 semanas e o prazo de presentación de ofertas está aberto ata o vindeiro 24 de outubro.

A alcaldesa de Lousame, Teresa Villaverde, explica que “o proxecto inclúe a substitución de 348 puntos de luz do alumeado público, onde se cambiarán os sistemas de alumeado por sistemas LED, renovaranse os centros de mando e o cabreado e se instalarán reloxos astronómicos de acendido e apagado para regular mellor o consumo”.

Neste caso, as luminarias a substituír están emprazadas en catorce localidades do municipio e na súa contorna: Abeixón, Boca do Souto, Carabeiras, Cernande, Chave, Figueroa, Filgueira, Maxide, Outeiro, Portela, Pousada, Riatelo, San Roquiño e Seixido.

Unhas aldeas que contan cunhas luminarias e centros de mandos moi deterioradas polo paso do tempo, cun rendemento moi baixo e cunha tecnoloxía de baixa eficiencia e alto poder contaminante, como son as lámpadas de vapor de sodio, vapor de mercurio e de haloxenuros metálicos.

En cada un dos centros de mando destas localidades acometeranse vairas reformas: substitución das luminarias por outras con tecnoloxía LED, renovación ou acondicionamento dos centros de mando, renovación dos tramos deteriorados, dotación de proteccións contra sobretensións e incorporación de acendido mediante reloxo astronómico en todos os cadros de mando. Unha tecnoloxía que contará con cando menos 5 anos de garantía en todos os seus compoñentes.

Este proxecto será cofinanciado polo IDAE e o Concello de Lousame, que financiará os 37.000 euros da súa achega grazas ao préstamo do Instituto Galego da Vivenda e Solo ao abeiro do Fondo de Cooperación para o apoio ao financiamento de actuacións de rehabilitación e conservación do patrimonio construído en concellos de menos de 50.000 habitantes.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies