займ срочно

Lousame prepara a súa Festa de Entroido

0

Bisbarra, 2 de febreiro do 2024 – O polideportivo municipal Pilar Barreiro Senra acollerá o vindeiro sábado 10 de febreiro o tradicional Festival de Entroido do Concello de Lousame.

A cita comezará ás 17:00 e durará ata as 20:30 horas. A festa de Entroido será amenizada este ano por Moc Moc, un clown musical que tamén traballa outras disciplinas tales como os malabares, a maxia e a música, a través dunha disco móbil.

No polideportivo haberá obradoiros de Entroido, xogos variados e inchables para os máis pequenos da casa, así como degustación gratuíta de orellas, filloas e chocolate con churros para todas as persoas que asistan. Así mesmo, repartiranse caramelos entre todos os nenos e nenas que acudan disfrazados. As familias que desexen participar deberán inscribirse gratuitamente en bandoticket.com.

Un ano máis, e van xa oito seguidos, non haberá concurso de disfraces, que será substituído por un divertido desfile. “Queremos que sexa unha actividade familiar, onde a xente participe e desfrute da festa, sen ter que andar pendentes dos premios do concurso nin dos cartos que cada un gasta no disfrace”, explica a concelleira de Cultura, Silvia Agrafojo.

Para facilitar o acceso, o Concello de Lousame vai empregar o mesmo sistema utilizado no Festival de Reis: dirección única con entrada pola Fonte do Redullo e saída polo CPI Cernadas de Castro. Así, os pequenos poden quedar na festa mentres a persoa adulta aparca nunha das tres zonas dispoñibles na contorna: entrada do colexio, no campo vello de fútbol de Cruído ou na propia subida do Redullo (carril dereito). 

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies