займ срочно

San Finx segue acumulando denuncias

0

Bisbarra, 12 de setembro do 2023 – O conflito en torno a mina, e a mineira, de San Finx segue engordando nos xulgados e agora volve de novo á Relatora Especial da ONU.

A ONU tiña previsto tratar este verán a falta de información dos proxectos mineiros de San Finx e Varilongo. Agora Ecoloxistas en Acción engade unha denuncia polas denuncias presentadas pola empresa Tungsten, que consideran un xeito de acoso que tenta silenciar á organización.

Os ecoloxistas puxeron os feitos en coñecemento de Mary Lawlor, Relatora Especial das Nacións Unidas sobre a situación das persoas defensoras de dereitos humanos. Tungsten San Finx S.L., ven presentando denuncias contra as asociacións e organizacións que denuncian os vertidos. A última polo acto simbólico realizado en xullo que taponou durante breves instantes o tubo a través do que a empresa realiza vertidos ilegais.

A raíz desta protesta e dos escritos remitidos a Augas de Galicia por ese colectivo e a Plataforma comarcal contra as verteduras, vense de iniciar un procedemento sancionador que podería carrexar unha sanción de ata 300.000 euros á empresa.

A raíz da nova denuncia da empresa, que atribúe a Ecoloxistas en Acción un suposto delito de danos, o Xulgado de Instrución N.º 2 de Noia abriu dilixencias, sendo chamado a declarar como investigado o representante da organización.

Para as ecoloxistas, “isto non é máis do que unha tentativa desesperada da empresa de calarnos a través dunha acción xudicial contra a participación pública”, coñecidas como SLAPP en inglés, e que a Comisión Europea anunciou que perseguiría mediante a nova “Directiva SLAPP”.

É a segunda vez en menos dun ano que o grupo australiano Tungsten San Finx S.L., presenta unha denuncia falsa contra Ecoloxistas en Acción, que xa fora denunciada en 2022 ante o Xulgado de Negreira baixo un pretexto similar, meses antes de que a Xunta declarara a caducidade das concesións mineiras e de que se iniciase un procedemento sancionador por verteduras ilegais contra a mina de Santa Comba. Daquela, o Xulgado arquivou a demanda de inmediato por carecer de fundamento.

Aínda que desde a organización ecoloxista confían que o resultado desta volta será idéntico, decidiron denunciar o caso ante a relatora especial da ONU por tratarse dun uso sistemático do acoso xudicial tentando criminalizar e coartar os movementos sociais para que non denuncien as ilegalidades cometidas polas empresas.

Esperan deste xeito que a relatora, que ven denunciando este tipo de prácticas en todo o mundo, se dirixa ás autoridades xudiciais españolas para tomar medidas contra a empresa. En calquera caso, advirten que “ningún tipo de acción xudicial ou ameazas doutro tipo fará con que cese no seu traballo de denuncia das ilegalidades da mina de San Finx”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies