Cada fin de semana repasamos o máis lido en Lindeiros nos cinco primeiros días da semana. Aquí tes as novas que máis interesaron do 2 ao 6 de xuño.
A educación segue sendo un tema preocupante e do máis lido. En esta semana foron os país do IES de Brión os que reclamaron máis recursos. Segundo as familias máis do 60% do alumnado necesita apoio educativo específico.
Os problemas políticos, ou entre políticos, teñen consecuencias e no concello de Touro a falta de acordo fixo que o concello quedara fora do Plan Único da Deputación deixando de ingresas 700.000 euros e co risco de perder 300.000 máis se non se amañan.
Pero ademais de Touro está Padrón, que segue os paso de Dodro e vincula os orzamentos a unha cuestión de confianza aparecendo tamén entre o máis lido da semana, En ningún dos dous concellos hai unha posibilidade real de que triunfe unha moción de censura polo que previsiblemente os orzamentos quedarán aprobados.
E Compostela ten tamén as súas propias liortas. Entre non adscritos e PP acabaron por provocar que unha factura de 400.000 euros polo aluguer de autobuses para substituír aos que fallaron sega sen ser pagada a empresa, aínda que todos recoñezan que é lexítima.
