Cada fin de semana repasamos o máis lido en Lindeiros nos cinco primeiros días da semana. Aquí tes as novas que máis interesaron do 23 ao 27 de xuño.
Si hai novas que teñen seguidores son aquelas nas que algún político ten problemas o enfróntase con outro. Esta semana o máis lido foi a nova sobre a apertura de xuízo oral ao ex alcalde da Baña Andrés García Cardeso. Xa contaramos no seu día que isto podía pasar e agora confírmase que acabará xulgado pola presunta subtracción de sete teléfonos móbiles.
Esta semana tivo lugar unha reunión que pasou bastante desapercibida pero que volven a mostrar as costuras da administración. Sen empregados públicos nada funciona e se non son ben tratados, dentro do que é razoable, acabaran cansos e faran mal o seu traballo. Os axentes medioambientais reclaman que se cumpran compromisos adquiridos hai anos, non agora, hai moito tempo e se non pode que acaben tomando medidas de presión.
As críticas ao goberno de Ames polos seus acordos co Partido Popular prodúcense desde o principio da lexislatura. O acordo público asinado entre o Psoe e o PP de Brión fai que a comparativa sexa inevitable e, como era de esperar, a oposición de Ames aproveitou para destacalo.
E sempre sucede que entre o máis lido están as festas, os concertos, a cultura en xeral. Somos unha sociedade que valora o seu tempo libre e o aproveita de múltiples formas. O San Xoán e un dos puntos quentes do ano, perdoade polo mal chiste, e iso reflíctese nas visitas. O concerto de Carlos Núñez o vindeiro luns aos pes do Pico Sacro e outra de esas novas que chamaron a atención.
