Compostela, 17 de novembro do 2018 – Do 22 ao 24 regresan ao Palacio de Congresos de Compostela Les Luthiers coa súa nova xira Viejos Hazmerreíres.
Para varias xeracións son a referencia do humor latino máis elegante. Mentres os máis snob falaban do humor inglés como algo só para entendidos eles fixeron un traballo de ourivaría no que mesturaron os dobres sentidos con temáticas axeitadas a calquera persoa.
Non se conformaron con facer rir xa que nos seus traballos atopamos unha dura crítica social disfrazada con boa música e mellores bromas. Ensináronnos a importancia dunha pausa a tempo e souberon usar como ninguén as bromas máis clásicas. Sempre atopamos nas súas escenas ao carablanca e ao Augusto, adaptándoas a novos temas e novos formatos.
A historia
Gerardo Masana fundou o grupo en 1967 na cidade de Buenos Aires con algúns membros do coro clásico universitario I Musicisti, un ambiente que marcaría despois moitos dos seus traballos.
Nos seus primeiros anos eran un septeto; pasaron a ser un sexteto tras a morte de Masana en 1973 e un quinteto ao marchar Ernesto Acher en 1986. Precisamente, a formación máis duradeira de Les Luthiers foi a de quinteto, con Carlos López Puccio, Carlos Núñez Cortés, Jorge Maronna, Marcos Mundstock e Daniel Rabinovich, que se mantivo sen cambios durante 29 anos ata o falecemento de Rabinovich en 2015. Así mesmo, desde o ano 2000 agregouse o labor de Horacio Turano e en 2012 Martín Ou’Connor como Luthiers suplentes cada vez que algún dos membros do quinteto titular debía ausentarse por causas de forza maior.
Recibiron numerosos premios ao longo da súa carreira, entre eles o premio Grammy Latino especial á Excelencia Musical (EE. UU., 2011),4 e a Orde de Isabel a Católica pola súa traxectoria (España, 2007).5 Foron declarados cidadáns ilustres de Buenos Aires e visitantes ilustres de moitas cidades de Hispanoamérica.
España
España foi para eles unha segunda casa. As súas xiras chea sempre e teñen un público que abarca varias xeracións. Estas razóns fixeron que o ano 2012 o Reino de España concedéselles a cidadanía por carta de natureza, unha concesión especial a persoas de particulares méritos. Pero por se o seu traballo non fóra xa moi valorado no noso país en 2017 gañan o Premio Princesa de Asturias de Comunicación e Humanidades, coincidindo cos seus 50 anos de carreira.
Viejos Hazmerreíres
Na xira actual Les Luthiers repasan grandes momentos da súa carreira a través dun aloucado programa de radio. Todo ten cabida neste delirante faladoiro desde a extradición dun narcotraficante, ata a fecundación asistida pasando pola terrible telenovela “Alma de Corazón”.
É unha oportunidade da que hai que dicir, como sucede desde hai anos cos Rolling Stones, que pode ser a última… ou non.
