Compostela, 6 de marzo do 2019 – Afundación, a Obra Social de ABANCA, proxecta La Librería de Isabel Coixet dentro do ciclo Mulleres, organizado para conmemorar o Día Internacional da Muller.
Mulleres está formado por películas nas que elas son as protagonistas indiscutibles, descubrindo historias comprometidas que dan lugar á reflexión. Mulleres diversas, brillantes, valentes, con distintas metas, paixóns e intereses na vida. Hoxe proxectarase ás 20.00 h a primeira das películas programadas, La librería, de Isabel Coixet.
A entrada a todas as sesións deste ciclo é libre e gratuíta ata completar a capacidade.
La librería (Isabel Coixet, 2017)
Nunha pequena aldea de Inglaterra, no ano 1959, unha moza decide, en contra da educada, pero implacable, oposición veciñal, abrir a primeira librería que houbo nunca nesa zona.
