Compostela, 30 de marzo do 2022 – Este martes foi presentado en Compostela o espectáculo Inventio que será estreado en setembro en Ferrol.
Inventio une maxia, danza, música e circo para promover o Camiño dun xeito distinto. Unha xira o levará por toda Galicia, España e Portugal.
Inventio: a desaparición do Camiño
O espectáculo está ambientado no futuro, en 2094, último Ano Santo do século XXI. Ningguén lembra o Camiño e unha troupe circense será a encargada de recuperar este patrimonio. Un mago, seis bailaríns e sete artistas de circo serán os responsables de devolver ao Camiño ao seu antigo esplendor.
Iventio é unha viaxe sensorial a un ritmo vertixinoso e con ecos de cinema futurista. Visitará 15 escenarios de Galicia, España e Portugal de setembro de 2022 a xaneiro de 2023. Ilusionismo, levitacións, equilibrios, malabares, números aéreos, animación audiovisual, música
electrónica, composicións tradicionais fusionaranse para abordar o Camiño de Santiago baixo a dirección creativa do mago Martín Varela
Inventio é unha iniciativa da promotora galega Thinking Up Events, Xunta de Galicia a través do programa Xacobeo 21-22 e Fundación “la Caixa”, co apoio de Sargadelos.
A súa presentación tivo lugar no Auditorio San Marcos da Fundación Sargadelos e participaron o director creativo de Inventio e portavoz da promotora Thinking up Events, Martín Varela; o vicepresidente primeiro da Xunta de Galicia, Alfonso Rueda; e a responsable territorial en Galicia da Fundación “la Caixa”, Susan Santos.
