Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Dodro
  • Xeral

Inés Mosquera recibe o XXXVIII Premio de Poesía Eusebio Lorenzo Baleirón

Inés Mosquera recibiu o XXXVIII Premio de Poesía Eusebio Lorenzo Baleirón dicindo que era “Moi feliz de formar parte de ese grupo de autores e autoras”

ENTREGA `REMIO EUSEBIO LORENZO BALEIRON 15 DECEMBRO 2025

Nun salón de actos ateigado de público, o concello de Dodro entregou os dous galardóns de poesía que organiza; o Minipremio para primaria e ESO e o XXXVIII Premio de Poesía Eusebio Lorenzo Baleirón a Inés Mosquera.

O acto estivo conducido pola coordinadora do premio, Silvia Pena. E contou coa presencia do alcalde do concello, Xabier Castro, e o concelleiro de Cultura, Ramón Abuín.

No Minipremio concurso literario “das viaxes e dos soños” recibiron os galardóns Sara Cascallar Novoa, na categoría de educación primaria,  polo relato “Máis alá das estrelas”. O xurado destacou a “mensaxe inspiradora que convida ao cambio para o benestar social”.

No apartado de ESO a gañadora foi XulIa Otero Blanco polo vídeo poema “Efémera” da que se destaca “o debuxo dun tempo fráxil e un futuro incerto, o valor de esa emoción e a forza visual da mensaxe”.

O XXXVIII Premio de Poesía Eusebio Lorenzo Baleirón foi entregado á obra “Upupú” que fora presentada baixo o lema “A ditadura da bubela” por Inés Mosquera. O xurado destacou que a obra fora construída “ cun poema e o corpo dun animal, unha poética concibida desde a linguaxe do animal, coa súa mesma axilidade e instinto”.

A autora dixo ao recibir o galardón que “Son moi feliz e moi agradecida de estar aquí hoxe e de formar parte de ese grupo de autores e autoras que participan desa lembranza colectiva  da figura de Eusebio Lorenzo Baleirón e quero agradecer o traballo de todos os que fan posible que siga convocándose ano a ano”.

Mosquera tamén relatou que unha das felicitacións que recibiu foi dun profesor seu na universidade e que compartiu piso con Eusebio Lorenzo Baleirón; “relatoume que a primeira vez que soubo dunha bubela (protagonista do poema gañador) foi a través de Eusebio e díxome non podes imaxinar o vivo que era e a chispa que tiña,  coido que estamos aquí hoxe mantendo un pouco de esa chispa”.

Xabier Castro, alcalde de Dodro, dixo “que resulte premiada unha padronesa, estando aquí o seu alcalde presente, énchenos de orgullo a todos. A relación Dodro Padrón, Padrón Dodro, de sempre foi moi querida por todos e esperamos seguila mantendo. Na edición trinta e nove, se non pasa nada, estarei eu pero non sabemos quén estará na corenta pero sempre esperamos e agardamos todos que teña a dignidade de levar adiante un acto coma este y mantelo no que se merece o concello de Dodro”.

O acto contou coa música de Minguante e coa proxección dun vídeo do proceso de desenrolo do premio, desde que se convoca, ata que se chama á gañadora e se fai unha ofrenda floral ante a tumba de Eusebio Lorenzo Baleirón.

Completouse a xornada cun recital de poesía a cargo dos membros do xurado Noelia Gómez e Miguel Cavadas (gañador da pasada edición)  acompañados pola escritora Alba Mourillós.

Post navigation

Previous: Noia presenta o programa “É Nadal en Noia”
Next: O sector da discapacidade na ensinanza protestará o día 18

Máis novas

Un momento do pleno de Brion no que se destinou un millón de euros ao pago de facturas
4 minutes read
  • Xeral

Brión rebaixa a taxa do lixo

Rois: aprobadas en pleno a renovación de ordenanzas fiscais
3 minutes read
  • Xeral

Rois actualiza licencias e cede xestión á Deputación

Concello de A Estrada_DSC9226 slide_r
3 minutes read
  • Xeral

Reclama que se respete na Estrada a Lei de Memoria Democrática

compostela arco de mazarelos_good 7 novembro 2026
3 minutes read
  • Compostela

Unha nova vida para o Arco de Mazarelos

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (740) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.