Dodro, 28/07/2026 – Unha vez máis o incivismo de algunha xente e o desprezo pola propiedade colectiva dana os servizos de todos. Esta fin de semana pasado tocoulle ao Punto Limpo Móbil do concello de Dodro.
Os equipos de recollida de Dodro, que se trasladan ás distintas parroquias, foron literalmente apedrados deixando marcas visibles e danos de distinta consideración. Uns feitos que “só teñen como finalidade o mal xa que non se saca rendemento, so se prexudica á veciñanza” en palabras do goberno municipal.
Desde o concello de Dodro emprázase unha vez máis a todo o mundo “a ter un mínimo de consideración polo que é de todos”. Os feitos serán investigados e pídese a colaboración da veciñanza para atopar aos autores dos danos.
Do mesmo xeito solicítase a quen vexa actitudes de este tipo ou ataques contra o ben común que o denuncie para poder poñerlle coto a este tipo de actitudes incívicas que afectan aos bens do concello e aos seus veciños.
