Compostela, 1 de setembro do 2026 – Comezamos esta serie de entrevistas con políticos en activo de Compostela e a súa bisbarra. A 9 meses das eleccións é bo facer un primeiro repaso ao mandato que entra na recta final.
Estas primeiras entrevistas foron realizadas antes do verán, o obxectivo non é dar unha visión da actualidade se non ver que valoración se fai dos últimos tres anos e que queda por facer.
En este artigo pódese escoitar un extracto da entrevista que publícase completa en https://buymeacoffee.com/lindeiros/goretti-sanmartn-alcaldesa-de-santiago-de-compostela-bng
Comezamos buscando unha visión xeral do mandato. Se facemos caso da oposición todo foi un auténtico desastre; se preguntamos ao goberno municipal, falará do que vai be. Decidimos preguntarlle a Goretti Sanmartín por aquelas cousas que non saíron, en todo ou en parte, como estaban previstas. O lento que resulta sacar decisións adiante çe algo que non só sofren os cidadáns polo que se ve.
Sae na conversa o proxecto de Peleteiro. Sanmartín non cre que os recursos poidan en esta ocasión paralizar o desenvolvemento de esa zona. Parece lóxico que a estas alturas unha parte da cidadanía queira ver que se fai algo co espazo e que por fin se poida usar, sexa coma sexa.
O novo transporte urbano parecía chegar por fin. Despois da entrevista e con todo xa listo aparece un novo recurso que, tendo en conta que durante a tramitación xa foran desestimados outros tres, da a sensación de chegar tarde. En calquera caso a previsión que facía a alcaldesa de que estivera funcionando antes de final de ano aínda pode cumprirse.
Ter comedores escolares propios non é doado, o exemplo de Ames demostra que se pode facer pero ten a súa complexidade. Posiblemente ao goberno municipal gustaríalle que en Compostela fora unha realidade pero polo menos vanse dando pasos, segundo Goretti Sanmartín, na dirección correcta.
O sucedido co contrato da auga foi do máis surrealista do mandato. Tras moito estudo e moita reunión, e imaxinamos moito debate a porta cerrada, chega ao pleno e o modelo, votado por maioría na comisión creada para o caso, non se aproba polo voto en contra do Partido Popular. Un xornalista non debe xulgar, salvo que faga opinión; o feito aquí é que o PP votou unha cousa na comisión e outra no pleno, a explicación é que non poden deixar que o goberno actual saque adiante ese tema e que cando estean eles o farán. Goretti Sanmartín fala de caretas que se caen.
Con situacións como a da auga no pleno preguntámonos, e llo trasladamos á alcaldesa se en este mandato tivo, en moitas ocasións, que contar ata dez antes de falar. Sanmartín di que non é moito de contar ata dez.
Rematamos preguntando pola desafección política. Esa fartura que moita xente ten dos políticos e da política. Goretti di que non a ve tanto en Compostela pero que en todo caso é algo que chega máis ben desde o centro estatal e que en moitas ocasións está sobredimensionada.
Goretti Sanmartín pode parecer as veces preocupada, incluso moi preocupada, pero sempre que os xornalistas preguntan ten unha resposta. Non sempre é a esperada, non sempre ten a claridade que se busca, pero sempre está. Responder, sobre todo cando non gusta ou non hai unha contestación clara, non só é unha obriga, é de agradecer.
Falaremos de novo coa alcaldesa antes das eleccións pero en este entrevista tedes unha visión xeral do mandato. A podedes escoitar completa, sen cortes, en https://buymeacoffee.com/lindeiros/goretti-sanmartn-alcaldesa-de-santiago-de-compostela-bng . Si de paso queredes apoiar o proxecto Lindeiros o podedes facer desde un euro.
