Oroso, 14 de setembro do 2026 – Seguindo coa serie de entrevistas de cara ás municipais de maio do 2027; falamos con Alex Doval, alcalde de Oroso, que conseguiu unha maioría absoluta nun concello que ata o momento era un bastión socialista.
O PSdeG realizou un importante esforzo na campaña, con mitins moito máis reforzados que en outros concellos, pero o Partido Popular soubo colleitar o que levaba catro anos sementando. Unha sorpresa para unha parte dos veciños que non esperaban o cambio.
Alex Doval recoñece que o tempo pasou rápido estes tres anos; en certo modo deixa ver o inesperado da alcaldía, pero enseguida comeza a relatar o traballo realizado. A mesa está ben organizada e non é de casualidade, sabe o que hai en cada carpeta e en que punto está o que contén.
Alex Doval aproveita para lanzar algún recado á oposición sempre que pode. Agora a colaboración cos concellos limítrofes, como Frades, é mellor e o alcalde lembra asegura que antes non se pedían case subvencións conxuntas.
A Vía Verde, que se está a rematar na parte de Santiago, é unha estrutura fundamental para a promoción de esta parte da bisbarra. En Oroso esta vía é o terceiro eixe, xunto á Festa da Troita e o Camiño Inglés cara a Compostela, de calquera estratexia turística.
Podes escoitar a entrevista completa en https://buymeacoffee.com/lindeiros/municipais-2027-alex-doval-alcalde-de-oroso-polo-partido-popular Se che gusta o noso traballo apóianos subscribíndote ou convidándonos a un café virtual
O problema da vivenda en Compostela hai un tempo que comezou a afectar aos concellos limítrofes. Oroso atópase cun PXOM que non deixou parcelas para construír, aínda que Alex Doval recoñece que cando se fixo ninguén pensaba en chegar a esta situación.
Quixemos saber que aprendeu en estes anos de alcalde. Alex Doval asegura que moitísimo pero que foi grazas, entre outras razóns, á axuda dos funcionarios.
É difícil saber que sucederá en maio do 2027, como case ninguén esperaba a maioría absoluta do Partido Popular. Falando con outros xornalistas, todos coinciden en que o o traballo do día a día seguiuse facendo e os proxectos seguiron avanzando ao ritmo que levaban.
Tocaralle á veciñanza dicir si realmente non mudou moito o traballo do equipo de goberno; ao mesmo tempo decidirán se lle dan 4 anos máis a Alex Doval ou volven a un PSdeG que inauguraba nova sede no pasado mes de maio e que ten que decidir si Luís Rey, ex alcalde, repite como candidato.
Alex Doval é alcalde do Partido Popular no concello de Oroso. Conseguiu a maioría absoluta nas últimas municipais, 2023, sorprendendo ao PSdeG que contaba con seguir gobernando.
Doval levaba catro anos preparando este momento e mesmo para él foi algo inesperado. Aínda así púxose a traballar desde o primeiro momento e máis alá de algunha polémica coa oposición, o mandato está sendo tranquilo.
