Teo, 18/07/2026 – O Concello de Teo xa conta co seu Plan de Emerxencia Municipal (PEMU) homologado, por parte da Comisión Técnica de Protección Civil. Trátase do instrumento no que se determina a estrutura xerárquica e funcional dos organismos obrigados a intervir ante posibles situacións de risco no municipio.
En este Plan de emerxencias homologado agrúpanse os criterios, as normas e os procedementos de resposta a seguir por parte das administracións públicas fronte a calquera situación de emerxencia colectiva que se produza no concello.
O PEMU de Teo ten dúas vertentes, unha preventiva e de autoprotección, e outra claramente operativa coas que se persegue organizar as funcións básicas de protección civil a nivel do municipio; identificar e analizar os distintos riscos; determinar as medidas de prevención fronte aos riscos detectados; coordinar todos os recursos municipais, co fin de dar unha resposta rápida en caso de emerxencia; promover actividades de autoprotección corporativa e cidadá; informar e concienciar á poboación sobre os riscos e medidas de protección.
Hai un obxectivo máis que enra na esfera supramunicipal. Trátase de que o Plan de Emerxencias de Teo intégrese no Plan Territorial de Emerxencias de Galicia, o PLATERGA.
Unha homologación que pretende que o Plan de Emerxencias Municipal de Teo vele pola protección das persoas, dos bens e do medio ambiente. Para logralo, establécese unha configuración orgánica-funcional xunto con procedementos operativos que garanten a resposta ás situacións de emerxencia que poidan xurdir dentro do concello. O Goberno local poderá mobilizar todos os recursos dispoñibles en caso de necesidade por calquera tipo de incidente que se orixine, permitindo que as consecuencias sexan as menores posibles e que a veciñanza recupere canto antes a normalidade.
