A Baña, 10/09/2026 – A Concellería de Acción Social, Cultura e Servizos á Cidadanía do Concello da Baña pon en marcha un novo ciclo de monólogos. Programanse sete espectáculos entre setembro e novembro; serán diferentes propostas de humor, narración oral, música e teatro.
O ciclo comeza este venres día 11, ás 21.00 horas, no local social de Sanamede de Monte. Vero Rilo presentará Tralalareira, un espectáculo no que a palabra e a música se atopan sobre o escenario. Rilo estará acompañada polo acordeonista Santi Cribeiro.
A segunda cita da Bañá será o venres 25 de setembro, ás 20.30 horas, no auditorio da Casa da Cultura. Lupe Blanco representará Quen inventou o rap?, unha proposta que establece conexións entre a regueifa e outras formas de improvisación oral.
O venres 9 de outubro, tamén ás 20.30 horas na Casa da Cultura, será a qienda de Sergio Alba e o espectáculo Dous rombos… Pasa para a cama! Unha semana despois, o venres 16 de outubro, ás 20.30 horas, Brais das Hortas achegará ao mesmo escenario Contos de defuntos e outros asuntos.
O ciclo retomarase o venres 6 de novembro, ás 20.30 horas, no auditorio da Casa da Cultura. Patty Diphusa protagonizará Sexo seguro… Seguro? A seguinte función trasladarase ao local social de Fiopáns. Será o sábado 14 de novembro, ás 20.30 horas, con Lalá Teatro e o seu espectáculo As Josefas. Tarabela Creativa pechará a programación o sábado 21 de novembro, ás 20.00 horas, no auditorio da Casa da Cultura, coa representación de O que non estaba escrito. Este ciclo conta coa colaboración da Rede Cultural da Deputación da Coruña.
