Silleda, 27/07/2026 – A Asociación Amigos da Empanada de Bandeira convida a toda a veciñanza e visitantes ao acto de presentación, que terá lugar este sábado 1 de agosto ás 19:00 horas
A Asociación Amigos da Empanada de Bandeira ten o pracer de anunciar a presentación oficial dos carteis da 50ª edición da Festa da Empanada, un fito que marca medio século dunha das citas gastronómicas máis queridas da comarca.
O acto terá lugar o vindeiro sábado, 1 de agosto, ás 19:00 horas, e servirá para dar a coñecer a imaxe que representará esta edición tan sinalada, froito do traballo e do agarimo de todas as persoas que ao longo destes 50 anos fixeron posible que a festa siga medrando e mantendo vivas as tradicións da zona.
Tras a presentación dos carteis, os asistentes poderán gozar dunha degustación de empanadas e pulpo, nun ambiente de convivencia e celebración aberto a todos os públicos.
Desde a Asociación Amigos da Empanada de Bandeira convidamos a toda a veciñanza, socios e amigos a acompañarnos nesta xornada tan especial, na que celebramos non só a chegada da 50ª edición, senón tamén cinco décadas de historia, cultura e identidade compartida arredor da empanada.
A Festa da empanada de Bandeira cumprirá os cincuenta anos a finais de agosto cando se celebre na conocida parroquia de Silleda.
