Compostela, 29 de decembro do 2021 – A Asociación Hostalaría Compostela denuncia que as novas restricións impostas ao sector son un “castigo inxustificado”.
Hostalería móstrase moi preocupada pola situación do sector en este ano e de cara ao 2022. Desde a Asociación consideran que o que califican de “castigo” pode ser fatal para “unhas economías xa moi tocadas”..
Neste senso, Hostalaría Compostela destaca que o sector leva case dous anos acatando as normas sanitarias, adaptándose a multitude de cambios e demostrando que os seus espazos son seguros, “Os nosos negocios levan demasiado tempo realizando un gran esforzo. Pedimos que se teña en conta e se garanta a nosa supervivencia”, afirman desde a Xunta Directiva.
Os restaurantes da cidade acumulan xa varias semanas de cancelacións, nunha época do ano que tradicionalmente supoñía unha elevada facturación polas comidas e ceas de Nadal. “Ter que suspender estas celebracións supón unhas perdas cuantiosas para os locais porque as mercancías están compradas e os contratos do persoal feitos”, sinalan.
O mesmo ocorre co ocio nocturno que, unha vez máis, resulta enormemente prexudicado. Por outra banda, a situación da rama da hospedaxe tamén é moi delicada. Moitos dos hoteis e pensións asociados á entidade decidiron pechar nestas datas debido á escasa demanda e aqueles que permanecen abertos apenas chegan ao 25% de ocupación.
