Ames, 31 de xaneiro do 2022 – O delegado do Goberno en Galicia, José Miñones, participou en Ames no acto de homenaxe ao ex delegado do Goberno Xosé Manuel Pose Mesura.
O acto estivo organizado pola asociación de pequenos comerciantes Palmira Boulevar como lembranza e recoñecemento ao seu apoio á humanización do Milladoiro e Viorneira.
A rúa Viorneira, que acolle a placa conmemorativa, estivo pechada por un dos lados durante moitos anos. Nunha época na que en esta rúa se situaba o Cuartel da Garda Civil esto supoñía un grave risco. Ademais o peche provocaba a falta de conexión da veciñanza coa estrada xeral e, en consecuencia, coa outra parte do Milladoiro.
Foi a implicación de Xosé Manuel Pose, ante as demandas dos veciños, a que logrou desbloquear esta barreira urbanística. O delegado do Goberno loubou a traxectoria e a pegada persoal e política que deixou Pose Mesura, nun acto no que tamén participou o alcalde de Ames, Blas García, e familiares e amigos do homenaxeado.
O presidente da Asociación Palmira Bulevar, Xosé Manuel Fernández, destacou que Xosé Manuel Pose buscou a solución mesmo en contra de compañeiros de partido que non a consideraban tan importante. Tamén puxo en valor o caracter afable do ex delegado do Goberno, algo no que tamén incidiron o seu irmán, Modesto Pose, e a súa viúva, Ana Romero.
