Bisbarra, 6 de xuño do 2022 – Goza do Ulla é un dos proxectos máis interesantes do centro de Galiza, 20 concellos ofrecen 19 roteiros de sendeirismo cos que percorrer a beira do emblemático río.
A pasada semana era presentada a edición 2022 coincidindo coa inauguración da Semana Verde de Galicia. Goza do Ulla ven ademais coa boa nova de que os 20 concellos crearán unha asociación que fará crecer e mellorar a oferta.
Alcaldes, concelleiros e técnicos dos municipios participantes presentaron en Turexpo o que xa é unha das iniciativas turísticas, vinculada á natureza de Galicia, de referencia a nivel nacional. A iniciativa volve despois de dous anos sen poder celebrarse e durará ata o vindeiros mes de outubro comezando o próximo sábado día 11.
Cada ruta está programada nun Concello bañado polo Ulla. Boqueixón e Vedra organizan conxuntamente o mesmo itinerario, que vai polos dous municipios. As camiñadas póñense en marcha o en Dodro e rematarán en Santiso.
Programa Goza do Ulla
O programa Goza do Ulla naceu no ano 2011 coa participación de cinco concellos (Touro, Boqueixón, Vedra, Santiso e Arzúa). Once anos despois toman parte 20 municipios de tres provincias: Lugo Pontevedra e A Coruña.
Son os concellos da Estrada, Agolada, Antas de Ulla, Arzúa, Boqueixón, Catoira, Dodro, Monterroso, Padrón, Palas de Rei, Pontecesures, Rianxo, Santiso, Silleda, Teo, Touro, Valga, Vedra, Vila de Cruces e Vilagarcía.
A programación para o 2022 será a seguinte: Dodro (Brañas de Laíño, de 14 km, o 11 de xuño); Vila de Cruces (Ponte Basebe-Illa Remesquide, de 13 km, o 26 de xuño).
Palas de Rei (Ruta das Torrentes, 6 km, o 16 de xullo); Boqueixón-Vedra (Unindo roteiros… ao pé do Ulla, de 10 km, 24 de xullo).
Agolada (Canle de Ramil-A contorna do Ulla, de 10 km, o 13 de agosto); Monterroso (Do vello ao novo Montorreso e O muíño do alemán, de 27 km, o 25 de agosto), A Estrada (Os sons do Ulla, de 12 km, o 27 de agosto); Pontecesures (Ollando o Ullán, de 15 km, o 28 de agosto).
Antas de Ulla (Ulloando polo nacemento, 12 km, o 4 de setembro); Vilagarcía de Arousa (Da illa Cortegada ao miradoiro da Cruz de Ferro en Xiabre, de 14 kilómetros, o 11 de setembro); Arzúa (Ruta da fervenza das Hortas, de 19,5 kilómetros, o 24 de setembro); Teo (Ribeira teense do Ulla, de 9 km, o 25 de setembro).
Touro (Variante circular PRG 121 ‘Polos camiños naturais do Lañas, Ulla, Basebe e Novefontes, de 16,4 km, o 1 de outubro); Catoira (As pedras miúdas. Á ribeira do Ulla, de 12 km, 2 de outubro); Rianxo (As tres cruces, 11 km, o 8 de outubro); Valga (Vistas do Ulla e afluentes, de 12 km, o 9 de outubro); Padrón (Polas ribeiras do Ulla, de 12 km, o 15 de outubro); Silleda (Illa de Gres-praia fluvial de Cira, de 10 km, o 22 de outubro); e Santiso (Circular de Beigondo, de 7 km, o 29 de outubro).
About the Author
