Imaxe de unha das gárgolas publicada por APATRIGAL https://apatrigal.wordpress.com/
Compostela, 17/04/2026 – A última intervención realizada na obra que se leva a cabo no Hostal dos Reis Católicos non deixou indiferente a ninguén. Como parte do patrimonio da cidade calquera alteración visible e inmediatamente debatida.
En este caso esa visibilidade afecta a un conxunto tan único como a Praza do Obradoiro. As gárgolas da fachada do Hostal, un patrimonio xa de por si especial, foron en algúns casos dotadas dunha tubaxe de cobre que avanza medio metro sobre os balcóns.
A inserción de ese elemento ten unha explicación aínda que poucos adeptos. A auga recollida polas gárgolas caía directamente sobre os balcóns o que poñía en risco a estrutura. A solución adoptada non é nova xa que foi usada anteriormente na Catedral.
Autorización de patrimonio
A solución adoptada no Hostal dos Reis Católicos foi autorizada pola Dirección Xeral de Patrimonio Cultural da Xunta e estaba prevista no Plan Director do Hostal. Hai que dicir que en este caso o Concello non ten delegada a autorización sectorial nos BIC.
A situación e a solución adoptaba pola Dirección Xeral de Patrimonio era explicada polo concelleiro de urbanismo de Santiago, Iago Lestegas que avanzaba que consultarán coa Xunta si os elementos estaban incluídos no Plan de Restauración.
