Compostela, 3 de febreiro do 2022 – O novo colectivo Hostalaría.gal ven de firmar un convenio coa empresa IASO que asegura descontos en distintos equipos para os socios.
IASO é unha empresa especializada en equipos de exteriores para hostalaría. Entre outros suministros é propietaria da patente dun equipo de redución de ruídos. O acordo con Hostalaría.gal suporá un aforro dun 25% para os socios da entidade.
Redución de ruídos
IASO ten participado nos proxectos de construción de grandes estadios e edificios icónicos da arquitectura civil (Terminal 4 do Aeroporto de Madrid, Estación de Luxemburgo, Universidade de Aveiro, Zenit Arena, San Mamés, Allianz Riviera de Niza, entre outros). É a propietaria da patente dun tecido para toldos, pérgolas ou carpas denominado “Absorbrella” que reduce o ruído en terrazas.
Este tecido absorbe o 100 % do rebumbio e diminúe en catro decibeis o nivel que chega a un primeiro piso. IASO quere vendelo a gran escala e tamén a concellos interesados en reducir a contaminación acústica.
Este acordo de colaboración súmase aos xa existentes con outras empresas referentes en diversos sectores, que poden ser consultados na web www.hostalaria.gal .
Outros equipamentos
O convenio foi asinado por Lois Lopes, presidente de Hostalaria.gal, e o
delegado en Galicia de IASO, Aitor Romero. IASO, un fabricante de ámbito nacional e internacional que exporta a máis de 40 países. Ofrece solucións integrais ás necesidades que se poidan presentar no proxecto da terraza dun establecemento, dende a instalación dun toldo a parasois de gran formato, pérgolas de todo
tipo e pavillóns, velas de sombra, módulos “parking”, biombos paraventos, cerramentos ou teitos de cristal, cortinas de interior e exterior, calefacción ou iluminación led exterior.
