Frades. 03/03/2026 – É unha das festas máis entrañables da bisbarra. Reúne á veciñanza arredor dun prato caseiro, familiar e que lembra e homenaxea ás mulleres que na posguerra sacaban ideas de onde non había para poder comer.
A Festa da Merenda naceu no 2005 para lembrar as tortillas de masa, que foron moi utilizadas na comarca de Ordes en tempos de necesidade. Unha iniciativa que buscaba lembrar ás novas xeracións a importancia que este alimento tivo noutros tempos.
Máis agora a Festa da Merenda xa se converteu nunha das citas gastronómicas máis agardadas da comarca. Este ano chegará a súa dazanove edición o vindeiro 29 de marzo, Domingo de Ramos.
Como explica a Asociación de Veciños de Aiazo, organizadora da Festa en colaboración co concello de Frades, “coma sempre, poderás degustar e comprar as tradicionais merendas, tomarlle as que queiras, xantar, cear, gozar e bailar todo o día”.
A Area Recreativa d’Os Pasos encherase cun programa musical que inclúe a DJ A30/60, Charanga BBMas, Oerquesta Los Satélites e Orquesta Olympus. Tamén é importante seguir as indicacións da organización en canto a tránsito, uso dos espazos, seguridade e todo o necesario para que sexa un día perfecto e sen problemas.
O cartel de este ano e do artista M. Ramiro.
A Festa da Merenda
A Festa da Merenda é posible grazas ao traballo da Asociación de Veciños de Aiazo, en colaboración co Concello de Frades. Un traballo que comeza días antes co acondicionamento da área recreativa e coa selección do touciño e demais ingredientes das tortillas de masa: auga, ovos e fariña, ambos caseiros, o que lles dá un sabor diferenciado a estas “merendas”.
Se o primeiro obxectivo da Festa da Merenda era que os máis novos coñecesen a tortilla de masa e a importancia que tivo en décadas pasadas (cando era un dos pratos máis empregados na posguerra), agora a “merenda” converteuse nunha festa gastronómica para todas as idades. No seguinte enlace tes informacións de pasadas edicións https://lindeiros.net/tag/festa-da-merenda-de-aiazo/ .
