Frades, 27 de agosto do 2019 – O Concello de Frades vén de homenaxear ao equipo do S.E. Abellá Sociedade Deportiva e Cultural Feminino polo seu ascenso á Primeira División e por levar o nome do municipio polos campos de toda Galicia.
O alcalde de Frades, Roberto Rey, e os concelleiros de Deportes, Juan Carlos Portos, e de Ensino, Manuel Ferreiro, entregáronlles un agasallo a todas as xogadoras do S.E. Abellá , así como ao seu adestrador Borja Sánchez.
Así mesmo, houbo unha mención especial para a capitana e unha das fundadoras do equipo, Vanesa Gómez del Rio, que se retira do fútbol federado esta temporada.