займ срочно

Frades convoca catro xornadas dedicadas á saúde no Hotel Balneario Compostela

0

Bisbarra, 24 de febreiro do 2023 – O Concello de Frades convoca o programa “Mes da saúde”, que inclúe catro xornadas no Hotel Balneario Compostela, en Brión.

Trátase dunhas xornadas que o concello ven desenvolvendo nos últimos anos. Esta proposta permitirá á veciñanza desfrutar dunha sesión no Balneario Compostela a un prezo razoable grazas á aportación do municipio. As sesións en balnearios están recomendadas en proceos reumatolóxicos, respiratorios, de circulación ou mesmo dermatolóxicos.

As xornadas terán lugar os martes 7, 14, 21 e 28 de marzo. O prezo mantense nos 45 euros e a admisión será por rigorosa orde de inscrición no teléfono 981 695 567, onde se abrirán as inscricións entre o 27 de febreiro e o 4 de marzo. Terán preferencia as persoas empadroadas en Frades.

O Concello de Frades subvenciona o 70% do custo desta iniciativa e porá un autobús a disposición das persoas participantes, que sairá da Grabanxa ás 15:00 horas e as recollerá polas distintas parroquias. Os veciños e veciñas participantes deberán levar traxe de baño, chancletas antiesvarantes e gorro de piscina.

Durante esas catro sesións no Hotel Balneario Compostela desfrutarán dun circuíto termal que inclúe piscinas de chorros, contracorrentes, jacuzzi, saunas, ducha bitérmica e de aromas, circuíto circulatorio de pernas e unha sala de relax con mármores quentes.

O Hotel Balneario Compostela está situado no concello de Brión. Foi inaugurado no ano 2004 e construído con materiais illantes para garantir a tranquilidade.  En canto ao Balneario, a súas augas mineromedicinais son recoñecidas desde os romanos.

Share.

Comments are closed.