Piscina muicipal de Frades, imaxe de arquivo
Frades, 30/06/2026 – O Concello de Frades vén de aplicar o Artigo 14J da súa Ordenanza Municipal de Abastecemento de auga para prohibir a utilización da auga municipal para encher piscinas, regar cultivos e xardíns, e outros usos similares.
A medida que toma Frades intenta previr problemas de subministro de auga con motivo da chegada do verán e da vaga de calor. Dende o Concello agradecen a colaboración de toda veciñanza con estas medidas, coas que se busca manter a calidade do subministro para uso domiciliario e para as explotacións gandeiras.
No caso das granxas, a propia ordenanza municipal recolle que só está permitido o uso da auga para o consumo dos animais e a limpeza dos equipos de ordeño e enfriado do leito.
O alcalde de Frades, Roberto Rey, recorda que “a auga é un recurso escaso, de todos e para todos, polo que apelamos á responsabilidade de todos os veciños e veciñas na necesidade dun aforro e dun consumo responsable da auga da rede de abastecemento”.
