Bisbarra, 9 de decembro do 2022 – O concello de Frades organiza este vindeiro domingo, día 11, a terceira edición do Mercado de Artesanía.
A cita será na praza de Ponte Carreira desde as dez da mañá ata as sete da tarde. No Mercado de Artesanía de Frades adoitan participar unha ducia de artesáns locais e da comarca, que ofrecen á persoa visitante a posibilidade de adquirir os máis singulares agasallos e adornos para este Nadal e feitos a man.
O alcalde de Frades, Roberto Rey, amosouse moi satisfeito co desenvolvemento das dúas primeiras edicións do Mercado de Artesanía e anima “a toda a xente a que se achegue a comprar algo no mercado e visitar tamén a nosa hostalería e comercio local”.
