Frades, 18 de febreiro do 2022 – O concello de Frades organiza unha gran festa de Entroido o indeiros domingo día 27 no pavillón de Ponte Carreira.
Esta Festa de Entroido, que comezará as cinco da tarde, substitúe ao tradicional Concurso de Disfraces, que este ano non terá lugar como medida preventiva diante da actual situación sanitaria.
O concurso será substituído por unha festa con animación, inchables, fotomatón, obradoiros, mascotas, palomiteiro, chocolatada e moitas sorpresas.
Ás 18:00 horas terá lugar un desfile de disfraces, no que se repartirán agasallos para todas as persoas que acudan disfrazadas.
Para participar só é preciso reservar praza no Concello de Frades (981 695 567) antes do 25 de febreiro. Será obrigatorio usar máscara durante a festa.
