Seguimos recuperando as entrevistas presenciáis e achegámonos a Frades para falar con Roberto Rey. Hai un ano renovou a maioría absoluta polo que afronta a súa segunda lexislatura completa (en setembro do 2012 accedera ao cargo pola dimisión do anterior rexedor Miguel Prado).
O traballo que se viña realizando en Frades mudou, como no resto dos concellos, a partir de marzo. Rey entende que si por unha banda é certo que os concellos teñen menos recursos para afrontar unha crise como esta, ao mesmo tempo o coñecemento que se ten do territorio e das persoas e moito maior o que se convirte nunha vantaxe fronte as grandes cidades
Antes de que comezara o confinamento Frades tiña bastantes proxectos en marcha. Un dos principais a construción dun centro socio comunitario para o que o alcalde ven de asinar un convenio coa Consellería de Política Social, un documento que garante a continuidade ao marxe dos resultados electorais
Estas semanas todos os concellos están presentando as contas xerais. Frades ten saneado e ten recursos para aportar as partes correspondentes en distintos proxectos subvencionados desde outras administracións, unha boa situación para afrontar un tempo tan complexo como o actual
Aínda en esa boa situación económica a crise sanitaria obrigou a modificar os orzamentos e destinar cartos a recursos de protección sanitaria
Entre os novos proxectos destaca a mellora da estación potabilizadora de auga, unha necesidade nun concello que está a piques de completar o abastecemento en todo o seu territorio
Os meses de xullo e agosto é tempo de festas en Frades pero a crise sanitaria obrigou a suspensión da maioría delas
En este contexto os concellos son os que poden manter unha actividade cultural coas garantías sanitarias necesarias. Frades participa nútrese de redes como as da Deputación ou o Xacobeo
A piscina é outro dos recursos de ocio que poden ter máis uso. A de Frades está nun entorno privilexiado, cunha ampla zona verde e incluso un merendeiro. As medidas teñen que ser moi estritas e todos teñen que seguilas, algo que supuxo incorporar máis persoal á instalación
Todas estas actividades non están tendo o mesmo público que antes xa que o medo ao contaxio segue presente. Un bo exemplo disto o atopamos nas verbas do alcalde. Roberto Rey explica que os maiores son os que máis medo teñen e por iso mesmo os máis coidadosos. Cando en Galicia déixase de acudir aos enterros e que a situación é moi preocupante
Roberto Rey coida de Frades como si fora a súa casa. Intenta que todo estea ben e mostra o traballo feito con orgullo. Ao mesmo tempo a conversa deixa ver a preocupación pola situación que se está a vivir e a incerteza dos próximos meses. Nun momento no que as vacacións terán que ser de proximidade, Frades é un concello para descubrir e disfrutar.
