Bisbarra, 14 de decembro do 2022 – O concello e Frades ven de adquirir un novo tractor equipado con pala financiado polo concello e a Deputación da Coruña.
O novo equipamento foi adquirido por medio dun proceso de licitación do que saíu adxudicataria a empresa Maquinaria Agrícola del Noroeste, instalada no propio municipio. O tractor terá un custo total de 93.570, dos que a Deputación financia 74.880 €.
O novo tractor é un John Deere 6130M, cun motor de 4,5 l con 4 cilindros e unha potencia máxima de 144 cv, está especialmente deseñado para o traballo con pala cargadora, unha Metal-Fach T229 de 1.600 kg. Unha nova maquinaria que o Concello de Frades destinará a labores de roza e arranxo dos máis de 600 quilómetros de pistas e estradas que compoñen a súa rede viaria municipal.
Este tractor únese á rozadoira lateral achegada o pasado mes de novembro polo Fondo de Compensación Ambiental aos Concellos de Frades e Ames. Unha rozadoira de sesenta cabalos de potencia e cunha transmisión indirecta para que sexa máis segura á hora de traballar. A Xunta de Galicia investiu 35.700 euros na compra desta maquinaria e para financiar o servizo de protección do medio ambiente e do espazo natural que comparten ambos os dous municipios.
