Bisbarra, 19 de agosto do 2024 – O concello de Frades ven de reparar a ponte sobre o Rego de Mestas asumindo o coste con fondos propios.
O concello investiu 15.176 euros na reparación de esta ponte da parroquia Frades. O paso resultara danado polos temporais de principios de ano.
En palabras do concelleiro de Medio Rural e Limpeza Viaria, Manuel Ferreiro “As obras consistiron na construción dunha nova tubaxe máis ampla ca existente para así facilitar o paso da auga e evitar no posible que se acumulen ramas e biomasa que poidan afectar á integridade da ponte”.
Unha vez conseguidos os pertinentes permisos de Augas de Galicia, o Concello de Frades procedeu á reconstrución desta ponte, emprazada nunha das cotas máis baixas da parroquia. Unha vez realizada a infraestrutura, aproveitouse tamén para mellorar a capa de rodaxe da estrada, previa reparación de fochancas.
