Compostela, 21 de maio do 2019 – O teatro Principal acolle este xoves, 20:30 horas, a final do Poetry Slam da cidade, o campionato de poesía puntuable para o nacional.
O slam de poesía de Santiago é o único de Galicia que está federado no circuíto nacional. Este 2019 é o segundo ano no que se celebra e as competicións comezaron en setembro do 2018. En aquela ocasión a competición disputouse na histórica praza Feixóo do casco histórico cun público que superou as duascentas persoas.
Hoxe en día e tras cinco encontros en chave eliminatoria no Riquela Club, hai xa cinco finalistas que competirán este xoves no Teatro Principal de Santiago. O evento convoca tal cantidade de xente que nos últimos meses os organizadores tiveron que buscar espazos cada vez máis amplos, sendo finalmente o teatro principal onde se celebrará a final.
O evento Poetry Slam é unha competición na que cada participante debe dramatizar un poema de autoría propia e para o cal conta con tres minutos máximo. A votación realízase mediante puntuacións por parte do público asistente. O público, previo ao desenvolvemento do evento, se lle fai entrega dunhas pizarras por sorteo. Nestes encontros o que prima é a interactividade entre todas as partes, tanto participantes como público, o que fai que o Poetry Slam non sexa un recital de poesía ao uso, senón unha celebración da dramatización poética na que hai festa, aplausos, berros, quilombo e moita diversión.
A competición ten temática e idioma libres, os poemas teñen que ser de creación propia e pódense recitar de memoria ou ler. Non se pode facer uso de disfraces, nin accesorios. (o incumprimento desta norma supón a descualificación automática da/do participante). Cada poeta dispón de tres minutos máximo para a súa intervención e o público é o que decide mediante votación.
