займ срочно

Filloas de Boqueixón para a comida

0

Boqueixón, 24 de febreiro do 2022 – Por noveno ano A Asociación Cultural da Filloa, o Concello de Boqueixón e o centro comercial El Corte Inglés de Santiago organizan durante varios días unha degustación de filloas á hora da comida.

A promoción da Festa da Filloa de Lestedo desenvolverase na cafetería do centro comercial. Ata o 4 de marzo, unha filloeira elaborará en directo este produto tradicional da gastronomía galega tan típico do Entroido desde as trece horas ata as catro da tarde.

As xornadas promocionais foron presentadas polo alcalde de Boqueixón, Manuel Fernández Munín; directora de El Corte Inglés de Santiago, Cristina García de Albéniz; o director rexional de Comunicación e Relacións Institucionais de El Corte Inglés Galicia-Asturias, Pati Blanco; e o presidente da Asociación Cultural da Filloa de Lestedo, José Manuel Canabal.

Manuel Fernández Munín agradeceu un ano máis a implicación de El Corte Inglés na promoción da Festa da Filloa de Lestedo, declarada de interese turístico de Galicia. “Para o Concello de Boqueixón é un orgullo poder contar un ano máis co apoio de El Corte Inglés para poñer en valor un produto tan noso e tradicional como a filloa de Lestedo”, sinalou o rexedor.

Pola súa banda, Pati Blanco destacou “os 9 anos de apoio á Festa da Filloa de Lestedo e a importancia da elaboración artesanal deste produto identitario da cultura gastronómica de Galicia e, en especial, do seu Entroido”. Así mesmo, diante a intención anunciada por José Manuel Canabal de “levar o ano que vén a Festa da Filloa a outras cidades”, Pati Blanco ofreceu o apoio de El Corte Inglés á súa promoción en Vigo e A Coruña para próximas edicións.

Ata o vindeiro 4 de marzo, todos os días entre as 13.00 e as 16.30 horas, unha filloeira elaborará en directo as Filloas de Lestedo na cafetería de El Corte Inglés de Santiago. Os asistentes poderán degustar de forma gratuíta as filloas e, ademais, poderán levar a súa casa a auténtica receita da filloa de Lestedo, que celebrará a súa gran festa o domingo 6 de marzo en Boqueixón.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies