Compostela, 21 de xullo do 2017 – As Festas do Apóstolo se preparan para fin de semana con experimentos sonoros e música de ópera en directo desde Barcelona.
A xornada do venres nas Festas do Apóstolo comezan cunha performance sonora dentro do programa Artellando nos recunchos. Berlo Molina e Bucorde prepararon unha serie de proxeccións sonoras nos parques de San Domingos de Bonaval e Alameda cada 30 minutos desde as 12 ata as nove da noite.
Artellando nos Barrios leva os xogos tradicionais ao Centro Social doi Castiñeiriño a partir das sete da tarde. A mesma hora en Santa Marta artes escénicas con Torre de Babel e Cerebro, artes, accións.
As Festas do Apóstolo levan a Quintana ata o Teatro do Liceu de Barcelona para ver en directo Il Trovatore de Verdi. Tratase dunha proxección en directo e simultanea en varias cidades e de feito a presentación farase desde Madrid. Il Trovatore é unha ópera en catro actos con música de Verdi e libreto de Salvatore Cammarano e Emanuele Bardare cuxo estrea absoluta tivo lugar no Teatro Apollo de Roma en 1853 e que chegou por primeira vez ao Liceu de Barcelona en 1854. A cita as dez da noite.
O día remata nas Festas do Apóstolo Artellando na noite e na praza do Toural con Cosmotrópicos as 23 horas.
