Compostela, 17 de xullo do 2017 – As Festas do Apóstolo crecen está semana coa incorporación do programa Artellando que se suma aos últimos concertos de Terra da Fraternidade.
Artellando nos Barrios ten cita no CSC de Villestro a partir da 18.30 con Martín Camiña e os seus “momentos de asombro”. “Momentos de Asombro” está cheo de intres fascinantes: Como facer maxia nunha mudanza?, a verdade oculta do Principio de Acción e Reacción, o poder máxico da pintura, ou como estar á moda co que xa teñamos pola casa.
A mesma hora pero na Praza do Matadoiro Fran Rei nos presenta “a galiña azul”. Fran Rei mestura narración, humor, maxia e monicreques para achegarlle ao público infantil e familiar o universo que Carlos Casares creara para que a pequena Ana “non esquecese nunca que é galega”
The Lákazans
As Festas do Apóstolo abren hoxe tamén Artellando nos Recunchos que nos presenta as nove na Praza do Obradoiro “Spazi…o” a cargo de Dikhotomia. Dikothomia é unha compañía do Euskadi que xurde da necesidade de expresar e transmitir en clave de circo. Autodefínese como “circo como linguaxe”, xa que aínda tendo en conta a importancia das técnicas do circo, optan por empregalas como ferramentas para falar de emocións e vivencias.
A música ten dúas citas hoxe nas Festas do Apóstolo de este luns. As oito e media na Praza de Feixoo estarán os Monkillos. As dez na Quintana novo concerto de Terra da Fraternidade con The Lákazans e Girma Beyene & Akale Webé desde Etiopía.
The Lákazans están considerados como a nova sensación do soul galego. A banda creouse en 2010 e son hoxe un dos imprescindibles dos locais e festivais galegos coa súa combinación de blues, soul e rock and roll moi bailable.
Girma Beyene & Akale Webé
Girma Beyene é unha lenda popular en Etiopía: letrista, compositor, arreglista e vocalista, é considerado un titán no jazz do país, designado como un dos principais representantes do chamado ethio-jazz, música que mestura a tradicional etíope con influenzas de diferente procedencia como o afro-funk, o soul, o jazz ou os ritmos afrocaribeños.
Akalé Wubé (Francia) é unha desas formacións de fóra de África absolutamente entregada á música AFRICANA, e que, nas súas gravacións, amosa absoluta devoción por un dos substratos máis interesantes, ricos e, á vez, descoñecidos e invisibilizados do mundo: as músicas etíopes.
Tamén subirá ao escenario con eles Abe Rábade, un león pianístico, tanto na interpretación como na composición.
D’Gorra
A maiores de todo isto en Compostela segue o festival D’Gorra ata o mércores, circo de rúa no que é o público o que dicide se votar, ou non, algo na gorra do artista. Hoxe Lupo estará as 18.30 en Praterías, Rogelio as 19.30 na Quintana e Autoespista Intergaláctico as 20.30 en Praterías.
